பழமுதிர்சோலை

ஆறாவது படைவீடாகத் திகழ்கிறது பழமுதிர்சோலை. இது 'அழகர் கோயில்'என்றும் வழங்கப்பெறுகிறது. முருகப்பெருமானின் தலமாகவும் திருமாலின் தலமாகவும் இது விளங்குகின்றது. திருமாலுக்கு உரியதாய் விளங்கும் அழகர் என்னும் திருப்பெயர் முருகனுக்கும் பொருந்துவதாகும்.

நக்கீரர், பழமுதிர் சோலையில் வீழும் அருவியின் அழகை வருணித்துள்ளார். திருமுருகாற்றுப்படையில் வரும் அப்பகுதியின் இறுதியில், அவர் 'பழமுதிர்சோலை மலைகிழவனே' என்று குறித்துள்ளார். 'பழமுதிர்சோலை' என்பதற்கு நச்சினார்க்கினியர், பழம் முற்றின சோலை என்றுபொருள் கூறுகிறார். 'பழம் உதிர்ந்த சோலை' என்றும் பிற உரையாசிரியர்கள் அதற்குப் பொருள் தந்திருக்கினறனர்.

வள்ளிநாயகிக்கு அருள்புரிந்த முருகவேளே பழமுதிர்சோலையில் எழுந்தருளியவன்என்று கந்தபுராணம் கூறுகிறது. அருணகிரிநாதர் திருப்புகழில்,

சோதியின் மிகுந்த செம்பொன்மாளிகை விளங்குகின்ற
சோலைமலை வந்து கந்த ...... பெருமாளே

. . . என்று முருகப் பெருமானைப் போற்றுகிறார். (திருப்புகழ்  பாடல் 1312  - 'வாரண முகங்கி ழிந்து').

பழமுதிர்சோலை என்னும் பெயர் முருகப்பெருமானது திருவிளையாடலின்அடியாகத் தோன்றியது என்றும் கூறப்படுகிறது. இத்தலத்தில் முருகப் பெருமான் ஒளவைப் பிராட்டிக்கு நாவற் பழங்களை உதிர்த்தார் என்றும், சில விளக்கங்களைக் கேட்டு, தமிழ் மூதாட்டியின் வாயிலாகப் பயனுள்ள நீதிகளை உலகுக்கு உணர்த்தினார் என்றும் கூறப்படுகிறது.

அழகர் கோயில் மலைமேல் பழமுதிர்சோலை முருகப்பெருமான் கோயில், அமைதியை நல்கும் இயற்கை எழில் நிறைந்த இடத்தில் அமைந்திருக்கின்றது.

Pazhamudircholai  (article courtesy of Mr. Suresh)

Situated 19km from the famous temple town of Madurai, holy hill temple of Pazhamudircholai is the Sixth among the six padai veedu. Unlike the other five of the six, this temple has no grand edifice surrounding the central shrine of worship. The temple of Muruga is situated on the Vrishabhadri hill in a beautiful surrounding. The moorthy is Muruga with the Devis Valli and Devasena on either side. Though the temple is described in ancient texts, the present structure is of recent origin.