இலங்கை - கதிர்காம முருகன் துதிமாலை
(இயற்றிப் பாடியவர்: எல். வசந்த குமார், எம். ஏ.)

                           உ

கலங்காமற் காத்தருளும் கணபதிக்கு இளையவனை
   அலங்கார நாயகனை ஆறுதலை யுடையவனை
      இலங்காபுரி உறை இறையை ஈடிலாக் கதிர்காமத்தில்
         வலம்புறமாய் வள்ளியோடுறை வடிவேலனை வணங்குதுமே.... 1

ஓராறுமுகமாய் உலகத்துதித்த உமையவள் மைந்தனை
   ஈராறுகரமாய் வாரிவழங்கிடும் ஈடிலாக் குகனை
      மூவாறுகணமும் முன்னின்று தொழுதிடும் முருகவேளை
         நாலாறுநேரமும் நாவினில் நவின்றிடு நாமமே.... 2

கருணையோடு நாள்தொறும் கதிர்வேலோன் நாமமே
   அருணகிரிநாதனாய் அன்புருக ஓதிடவே - முருகன்
      தருணமாய்த் தன்வேலால் தாரக மந்திரமாம்
         பிரணவமாய் நாவினிலே பொறித்த பொற்பாதனே.... 3

ஆறுமுக கவசந்தனை அனுதினமும் நானிலத்தில்
   கூறுமடியார்தம் குறைதவிர்த்து குன்றங்கள் எட்டும் போல்
      வேறுவழிகாட்டி வேல்முருகன் வினைதீர்த்து - என்றும்
         பேறுபதினாறும் தந்திடும் பெம்மான் எம்முருகனே... 4

கார்த்திகைக் குமரனைக் கதிர்காமத் தலைவனை
   கீர்த்தியாய்த் துதிமாலை ஐந்திவை ஓதுவார்க்கு
      மூர்த்தியாம் முருகனருள் முப்போதும் துணைசெய்து
         பார்த்திடாப் பதமலர் தரிசனமும் பற்றிடுமே.... 5

A song in praise of KadhirgAma Murugan (Sri Lanka)
(composed and sung by: L. Vasantha Kumar, M.A.)

                  (English transliteration)

kalangAmaRt kAththaruLum kaNabathikku iLaiyavanai
   alangkAra nAyaganai AaRuthalai yudaiyavanai
      ilangApuri uRai iRaiyai eedilAk kadhirgAmaththil
         valampuRamAi vaLLiyOduRai vadivElanai vaNangkudhumE.... 1

OrARumugamAi ulagaththuthiththa umaiyavaL maindhanai
   eerARukaramAi vArivazhangkidum eedilAk kuganai
      mUvARugaNamum munnindRu thozhudhidum murugavELai
         nAlARunEramum nAvinil navindRidu nAmamE.... 2

karuNaiyOdu nALdhoRum kadhirvElOn nAmamE
   aruNagirinAdhanAi anburuga OdhidavE - murugan
      tharuNamAith thanvElAl thAraga mandhiramAm
         piraNavamAi nAvinilE poRiththa poRtpAdhanE.... 3

AaRumuga kavasandhanai anudhinamum nAnilaththil
   kURumadiyArtham kuRaithavirththu kundRangkaL ettum pOl
      vERuvazhikAtti vElmurugan vinaitheerththu - endRum
         pERupadhinARum thandhidum pemmAn emmuruganE... 4

kArththigaik kumaranaik kadhirgAmath thalaivanai
   keerththiyAith thudhimAlai aindhivai OdhuvArkku
      mUrththiyAm muruganaruL muppOdhum thuNaiseidhu
         pArththidAp padhamalar dharisanamum patRidumE.... 5