முருகனுக்கான
கவிதைகள்
Poems for
Lord Murugan
| முருகனுக்கான Poems for | |
|---|
| தண்ணீர் மலையான் ThaNNeer MalaiyAn |
 | பேராசிரியர் மா. கண்ணப்பன் Prof. Ma Kannappan | English   | பட்டியல் தேடல் list search |
துள்ளி விளையாடும் சின்னப்பிள்ளை முகம் மறந்து வெள்ளி விளையாடும் மலேயா சீமை தன்னையடைய நாகப்பட்டினத்து கடலில் நங்கூரம் பாய்ச்சி நிற்கும் செட்டிக்கப்பலுக்குத் துணையாகும் செந்திலாண்டவனே செந்தில் ஆண்டவனே ! ஐயா ! செந்தில் ஆண்டவனே ! செந்தில் ஆண்டவனே ! ஐயா ! செந்தில் ஆண்டவனே ! கப்பல் ஏறுகையில் முதலில் கடல்முகம் தெரியும் கண்களில் நீரோடு நிற்கும் மனைவிமுகம் தெரியும் அன்னைமுகம் தெரியும் அன்புப் பிள்ளைமுகம் தெரியும் அந்தமுகங்களிடைச் செந்தூர் கந்தன் முகம் தெரியும் செந்தில் வடிவேலா ! ஐயா ! செந்தில் வடிவேலா ! வந்தவினை தீர்க்கும் எங்கள் செந்தில் வடிவேலா ! பினாங்குத் துறைமுகத்தைக் கப்பலும் பிடித்துவிட்டதையா கப்பல் அடியினிலே கூட்டம் கண்டிட வந்திருக்கு தண்ணீர்ப் பூமலையில் நிற்கும் தண்ணீர் மலையானே ... எங்கள் பெண்டு பிள்ளைகளைக் காக்கும் பெரிய மலையானே ! தண்ணீர் மலையானே நெஞ்சின் தாகம் தீர்ப்பானே கண்களில் நீர்வழிய நாமும் கைகள் குவிப்போமே ! தைப்பூச நாளினிலே அவனும் தங்கரதமேறி நகரத்தைப் பார்க்கத் தேரில் நகர்ந்து வந்திடுவான் பார்க்குமிட மெல்லாம் தமிழர் பக்திமுகம் தெரியும் காவடி ஆடிவரும் சீனர் காலடியும் தெரியும் ! கந்தனுக்கு வேல் வேல் ! செந்தூர் வேலனுக்கு வேல் வேல் ! கடலலை தாண்டி ... எடுக்கும் காவடிக்கு வேல் வேல் ! கந்தனுக்கு வேல் வேல் ! காவடிக்கு வேல் வேல் ! கந்தனுக்கு வேல் வேல் ! காவடிக்கு வேல் வேல் ! |
English transliteration to come  |
| பட்டியல் List |
| ... www.kaumaram.com ... The website for Lord Murugan and His Devotees முகப்பு அட்டவணை மேலே தேடல் home contents top search |
 If you do not see Tamil characters or for 'offline' viewing, please install 'SaiIndira' fonts from Azhagi.com download Free Azhagi software |
Kaumaram.com is a non-commercial website. This website is a dedication of Love for Lord Murugan. Please take note that Kaumaram.com DOES NOT solicit any funding, DIRECTLY or INDIRECTLY. [xhtml] .[css] |