Kaumaram dot com - The Website for Lord Muruga and His Devotees

Kandha Puranam
by
Sri Kachiyappa
Sivachariyar

ஸ்ரீ கச்சியப்ப சிவாச்சாரியார்
அருளிய
கந்த புராணம்

Lord MuruganSri Kaumara Chellam

காண்டம் - படலம் பட்டியலுக்கு அகர வரிசையில் முதற்குறிப்புக்கு செய்யுள் முதற்குறிப்பு pdf வடிவம்

kANdam - padalam List Tamil alphabetical index verse index pdf version

previous kandam   6 - தக்ஷ காண்டம்   next kandam6 - dhaksha kANdam

previous padalam   17 - வேள்விப் படலம்   next padalamvELvip padalam

Ms Revathi Sankaran (1.24mb)




(இகந்த சீர்பெறும்)

இகந்த சீர்பெறும் இப்பெருஞ் சாலையில்
     அகந்தை மிக்க அயன்பெருங் காதலன்
          மகம்பு ரிந்தது மற்றது சிந்திடப்
               புகுந்த வாறும் பொருக்கெனக் கூறுகேன். ......    1

வேறு

(மருத்து ழாய்முடி மால)

மருத்து ழாய்முடி மாலயன் பாங்குற மகத்தின்
     கருத்த னாகிய தீயவன் முன்னமே கருதி
          வரித்த மேலவர் தங்களை நோக்கியே மரபின்
               இருத்து முத்தழல் என்றலும் நன்றென இசைந்தார். ......    2

(முற்றும் நாடிய இரு)

முற்றும் நாடிய இருத்தினோர் அரணியின் முறையால்
     உற்ற அங்கியை வேதிகைப் பறப்பைமேல் உய்த்துச்
          சொற்ற மந்திர மரபினால் பரிதிகள் சூழ்ந்து
               மற்று முள்ளதோர் விதியெலாம் இயற்றினர் மன்னோ. ......    3

(ஆங்கு முத்தழல்)

ஆங்கு முத்தழல் விதிமுறை செய்தலும் அயன்சேய்
     பாங்கர் உற்றிடும் இருத்தினர் யாரையும் பாரா
          நீங்கள் உங்களுக் காகிய செய்கையை நினைந்து
               தூங்கல் இன்றியே புரிமினோ கடிதெனச் சொன்னான். ......    4

(சொன்ன வாசகங்)

சொன்ன வாசகங் கேட்டலும் இருத்தினோர் தொகையின்
     முன்ன மாகிய அம்மகந் தனக்கவி முழுதும்
          வன்னி யாதியாஞ் சமிதையுந் தருப்பையும் மற்றும்
               இன்ன போல்வதுங் கொடுவழங் கினர்களா றிருவர். ......    5

(அந்த வேள்விசெய்)

அந்த வேள்விசெய் வித்தனர் ஒருவரால் அவிகள்
     எந்தை அல்லவர் கொள்ளவே அவரவர்க் கிசைத்த
          மந்தி ரந்தனைப் புகன்றனர் ஒருவர்அவ் வானோர்
               தந்த மைக்குறித் தழைத்தனர் ஒருவர்பேர் சாற்றி. ......    6

(மற்ற வர்க்கெலாம்)

மற்ற வர்க்கெலாம் அமைந்திடும் அவிகளை மலர்க்கை
     பற்றி யங்கிவாய் அளித்தனர் ஒருவர்அப் பரிசின்
          அற்றம் நோக்கியே இருந்தனர் ஒருவர்அங் கதற்கு
               முற்றும் நல்லருள் புரிந்தனர் ஒருவரம் முதல்போல். ......    7

(இருத்தி னோர்களும்)

இருத்தி னோர்களும் பிறரும்ஈ தியற்றுழி யாக
     கருத்த னாகிய தக்கன்அத் தேவரைக் கருதிப்
          பரித்து நுங்குதிர் என்றவி புரிதொறும் பகர்ந்தே
               அருத்தி உற்றனன் கடவுளர் தமக்கெலாம் அமுதின். ......    8

(திருந்து கின்றநற்)

திருந்து கின்றநற் சுவையினால் தூய்மையால் திகழும்
     மருந்து போன்றன என்னினும் உயிர்தொறும் மனத்தும்
          இருந்த எம்பிரான் அன்றியே மிசைதலின் இமையோர்க்
               கருந்தும் நீரலா நஞ்சென லாகிய அவிகள். ......    9

ஆகத் திருவிருத்தம் - 9543




(எண் = செய்யுளின் எண்)

*1. இகந்த - அளவு கடந்த.

*2-1. மரு - வாசனை.

*2-2. மகத்தின் கருத்தன் - யாக கருத்தா.

*3-1. இருத்தினோர் - வேள்வியில் ஆசாரியனுக்கு ஒத்தாசை செய்பவர்; சாதகாசாரியர்.

*3-2. அரணி - தீக்கடைக்கோல்.

*3-3. அங்கி - அக்கினி.

*3-4. பறப்பை - நெய் விடு கருவிகள்.

*3-5. பரிதிகள் - யாக மேடைகள்.

*5-1. வன்னியாதியாம் சமிதை - வன்னி முதலிய சமித்துக்கள்.

*5-2. இருத்தினோர் ஆறு இருவர் என்க.

*7. அங்கிவாய் அளித்தனர் - அக்கினி மூலமாக அளித்தனர்.

*9-1. உயிர்தொறும் மனத்தும் இருந்த எம்பிரான் - சிவபெருமான்.

*9-2. அருந்தும் நீரலா - உண்ணத்தகாத.



previous padalam   17 - வேள்விப் படலம்   next padalamvELvip padalam

previous kandam   6 - தக்ஷ காண்டம்   next kandam6 - dhaksha kANdam

காண்டம் - படலம் பட்டியலுக்கு அகர வரிசையில் முதற்குறிப்புக்கு செய்யுள் முதற்குறிப்பு pdf வடிவம்

kANdam - padalam List Tamil alphabetical index verse index pdf version

Kandha Puranam - The Story of Lord Murugan

Sri Kachchiappa Sivachariyar

... www.kaumaram.com ...
The website for Lord Murugan and His Devotees


 முகப்பு   அட்டவணை   மேலே   தேடல் 
 home   contents   top   search 
Get Free Tamil and other Indian Language Software from Azhagi dot com
If you do not see Tamil characters or for 'offline' viewing,
please install 'SaiIndira' fonts from Azhagi.com
 download Free Azhagi software 

Kaumaram.com is a non-commercial website.
This website is a dedication of Love for Lord Murugan.

 Please take note that Kaumaram.com DOES NOT solicit any funding, DIRECTLY or INDIRECTLY. 

[xhtml] .[css]