பாடல் 67 ... சிகண்டிதத் தத்த   (நலம் புனைந்துரைத்தல்)

......... பாடல் .........

      சிகண்டிதத் தத்த மரவாரி விட்டத் திதிபுத்ரரா
      சிகண்டிதத் தத்த நகபூ தரதெய்வ வள்ளிக்கொடிச்
      சிகண்டிதத் தத்த மலர்மேற் குவித்திடை செப்புருவஞ்
      சிகண்டிதத் தத்த கறபோ பலமென்னுஞ் சேகரனே ...... 67

......... சொற்பிரிவு .........

சிகண்டி தத்த தமர வாரி விட்டு அ திதி புத்ர

(ரா) சி கண்டித தத்த நகபூதர தெய்வவள்ளி

(கொடிச்) சி கண்டு இதத்து அத்தமலர் மேற்குவித்து இடை செப்பு உரு

(வஞ்) சி கண் தித தத்து அகல் தபோபலம் என்னும் சேகரனே.

......... பதவுரை .........

சிகண்டி ... மயில் வாகனத்தை,

தத்த ... தாவிச் செலுத்தும்படி,

தமர ... ஆர்பாரிக்கும்,

வாரி ... கடலின் கண்,

விட்டு ... செலுத்தி,

அ ... அந்த வீரம் வாய்ந்த,

திதிபுத்ர ராசி ... திதி தேவியின் பிள்ளைகளாகிய அசுர கூட்டங்களை,

கண்டித ... கோபித்து அழித்தவனே,

தத்த ... தந்தம் உடைய,

நக பூதர ... பாம்பு போன்ற நாகாசல வேலவனே,

தெய்வ ... தெய்வீகமாகிய,

வள்ளிக் கொடிச்சி ... குறப்பெண்ணாகிய வள்ளி தேவியை,

கண்டு ... பார்த்து,

இதத்து ... பணிவுடன்,

அத்த மலர் ... உன் மலர் போன்ற கைகளை,

மேற்குவித்து ... தலைக்கு மேல் கூப்பிக் கோண்டு,

இடை ... ஏ பெண்ணே உன்னுடைய இடுப்பு,

செப்பு ... புகழ்ந்து கூறப்படும்,

உரு வஞ்சி ... வஞ்சிக் கொடி போன்ற உருவம் உடையது,

கண் ... உன் விழி,

தித ... நிலைபெற்ற,

தத்து ... ஆபத்துக்களை எல்லாம்,

அகல் ... அகற்றி என்னுடைய ஆசை அக்கினியைத் தணிப்பதால்,

தபோபலம் ... நான் செய்த தவத்தின் பயனே ஆகும்,

என்னும் ... என்றெல்லாம் புகழ்ந்துரைத்த

சேகரனே ... தலைவனே.

......... பொழிப்புரை .........

மயிலேறிச் சென்று கடலில் அசுர குலத்தை அழித்தவனே, செங்கோட்டு வேலவனே, வள்ளியை நோக்கி கைகளை தலைக்கு மேல் தூக்கி அவளுடைய அழகை விரித்துபைத்த கந்தப் பெருமானே.