பாடல் 30 ... தெய்வ மணம்புணர்   (முருகனின் நாம விஷேசம்)

......... பாடல் .........

      தெய்வ மணம்புணர் தீகால் வெளிசெய்த தேவரைந்த
      தெய்வ மணம்புண ராரிக்கு மருக செச்சையந்தார்
      தெய்வ மணம்புண ருங்குழ லாளைத் தினைப்புனத்தே
      தெய்வ மணம்புணர் கந்தனென் னீருங்க டீதறவே ...... 30

......... சொற்பிரிவு .........

தெய்வ மண் அம்பு உணர் தீ கால் வெளி செய்த தே வரைந்தது

எய்வ, மண் அம் புள் நராரிக்கு மருக, செச்சை அம் தார்

தெய்வ, மணம் புணரும் குழலாளை தினைபுனத்தே

தெய்வ மணம் புணர் கந்தன் என்னீர் உங்கள் தீது அறவே.

......... பதவுரை .........

தெய்வ ... மற்ற தேவர்களையும்,

மண் ... பூமி,

அம்பு ... நீர்,

உணர் ... அந்தக்கரணம்,

தீ ... நெருப்பு,

கால் ... காற்று,

வெளி ... ஆகாசம் முதலிய ஐந்து பூதங்களையும்,

செய்த ... படைத்த,

தே ... பிரம்ம தேவன்,

வரைந்தது ... நம்மேல் எழுதிய தலை எழுத்தை (முருகனின் நாம சங்கீரத்தனம்),

எய்வ ... அழித்துவிடும். (அதனால்)

மண் ... மாசற்ற,

அம் ... அழகிய,

புள் ... கருட வாகனனாகிய,

நராரிக்கு மருக ... நரசிம்மரின் மருகனே,

செச்சையம்தார் தெய்வ ... வெட்சி மாலை அணிந்த தெய்வமே,

மணம் புணரும் ... நறுமணம் வீசும்,

குழலாளை ... கூந்தலையுடைய வள்ளியை,

தினைப்புனத்தே ... தினைப்புனத்தில்,

தெய்வ மணம் புணர் ... கந்தர்வ மணம் செய்துகொண்ட,

கந்தன் என்னீர் ... குமரக் கடவுளே என்று துதியுங்கள்,

உங்கள் தீது அநவே ... உங்கள் தீய வினை எல்லாம் ஒழியும்படி

......... பொழிப்புரை .........

மால் மருகனே, வெட்சி மாலை அணிந்தவனே, வள்ளியைய் தினைப்புனத்தில் மணந்தவனே, என்று துதித்தால் அது பிரம்ம லிபியை நீக்கிவிடும். தீவினைகள் எல்லாம் அற்றுப் போய்விடும்.