ஆலய வரலாறு

₁₉₅₀களில் வேலை நிமித்தம், அனேக இந்தியர்கள் கோலக்கிரை இரயில்வேக்கு வந்து குடியேறினர். இங்குக் குடியேறியவர்கள் "கிளந்தானா அவன் இழந்தான்" என்ற தாழ்வான எண்ணத்திலே தான் வருவார்கள். ஏனென்றால் அச்சமயமிருந்த வளர்ச்சியின்மையும் நம்மவர்களின் சொற்ப எண்ணிக்கையும்தான்.

இந்தச் சூழலில் இரயில்வே பம்புசெட் இயக்குவராக இருந்தவர் ஒருவர், இரவு நேரங்களில் சென்று தம் கடமையைச் செய்து வருவது வழக்கம். இவ்வாறு கடமையாற்றும் வேளையில்தான், தனக்குள்ளே எழுந்த பீதியைப் போக்க, இப்போதுள்ள அலய ஸ்தலத்திலிருந்த ஒரு மரத்தின்கீழ் விளக்கு ஏற்றி வந்தார். இவ்விளக்கு அனைவருக்கும் இருளைப் போக்கியது. நாளடைவில் இங்கு வாழும் இந்தியர்களைக் காக்கும் முனீசுவரனாக இருந்தது. இதைத் தொடர்ந்து இரயில்வே ஊழியர்கள் இங்கு வருவதும் தரிசிப்பதுமாக இருந்தனர். வெள்ளிக்கிழமைகளில் பலிகொடுத்து உண்டு மகிழ்வதுமுண்டு.

சிறிய ஒடு தகரத்தில் இருந்து வந்த கோவில் சிறுகச் சிறுக அனைவரது உதவியுடன் செப்பனிடப்பட்டு வந்தது. ₁₉₇₀-ல் இந்நகரிலும் சுற்று வட்டாரத்திலும் இருக்கின்ற இந்துக்களுக்கென ஒரு பொதுக் கோவில் வேண்டுமென்ற எண்ணம் தோன்றியது. அதன் பயனாக இரயில்வே தளத்திலிருந்த நிலத்தை _"TOL'' என்ற அடிப்படையில் பெறப்பட்டு அதில் ஒரு மடக்கோவில் எழுப்பி முருகப் பெருமனை நிறுத்தி, இங்கு வாழும் இந்தியார்களுக்கு நலம் பயக்கத் தொடங்கியது.

₁₉₇₂-ல் ஆலயத்திற்கென ஒரு முறையான நிர்வாகக் குழு ஏற்படுத்தப்பட்டு அது முதல் பதிவு அதிகாரச் சட்டத்தின் கீழ் இயங்கத் தொடங்கியது. அத்துடன் ஆலயத்தின் பக்கத்திலேயே ஒரு பலநோக்கு மண்டபம் தேவையெனக் கருதி, அதற்கும் சுற்று வட்டாரத்திலுள்ள நன்னெஞ்சங்களின் நன்கொடையால் உருவாக்கப்பட்டது. ₁₉₇₂-ல் இவ்வாலயத்தின் கும்பாபிஷேகம் கிள்ளான் ஜெயந்தி ஐயர் அவர்களால் நடத்தி வைக்கப்பட்டது.

திருவிழா

"சித்திரா பௌர்ணமி" உற்சவம் ஆலயத்தின் பிரதான திருவிழாவாகக் கொண்டாடப்பட்டு வருகிறது.

இரதம்:

சித்திரா பௌர்ணமி உற்சவத்திற்கு உச்சக்கட்டமாக முருகப் பெருமானின் சகல அலங்காரத்துடன், சுமந்து செல்லும் இரதம் ஒன்றினை இத்திருவிழா துவங்கின போதிலிருந்தே ஆலயம் பெற்றுள்ளது.

நித்திய பூசை

காலை மணி _7.00க்கும் மாலை மணி _7.00க்கும், வெள்ளிக்கிழமையும் விசேஷ நாட்கழிலும் சிறப்பு தீபாரதனைகளுடன் பூசைகள் நடைபெற்று வருகின்றன.

விழாக்கள்

ஆங்கில வருடப் பிறப்பு, தைப்பொங்கல், தைப்பூசம், மாசி மகம், பங்குனி உத்திரம் இன்னும் அநேக உற்சவங்கள் ஆண்டுதோறும் உபயத்தார்களின் உதவியுடன் நடைபெற்று வருகின்றன.

குடமுழுக்கு விழா

₁₉₇₂-ல் கும்பாபிஷேகம் கண்ட இவ்வாலயம் பெரும் முயற்சியில் செப்பனிடப்பட்டு, முறையாக கோபுர வேலைகள் செய்யப்பட்டு _11-6-1993-ல் விநாயகப் பெருமான், சுப்பிரமணியர், அம்பாள், நவக்கிரகம், நாகத்தம்பிரான், அரசமரப் பிள்ளையார், முனீஸ்வரர் ஆகிய மூர்த்திகளுக்கும் குடமுழுக்கு செய்ய திருவருள் கூட்டியது. அதனைத் தொடர்ந்து ₄₈ நாட்கள் மண்டலாபிஷேகமும் நடைபெற்றது.